India’s First Hydrogen Train Completes Final High-Speed Trial at 120 Kmph | Watch
ਇਹ ਹਾਈਡ੍ਰੋਜਨ ਬਾਲਣ (ਫਿਊਲ) ਨਾਲ ਚੱਲਣ ਵਾਲੀ ਟ੍ਰੇਨ ਧੂੰਆਂ ਨਹੀਂ ਛੱਡੇਗੀ ਅਤੇ ਪ੍ਰਦੂਸ਼ਣ ਵੀ ਨਹੀਂ ਫੈਲਾਏਗੀ। ਇਸ ਨੂੰ ਭਾਰਤੀ ਰੇਲਵੇ ਲਈ ਵਾਤਾਵਰਣ ਦੀ ਸੰਭਾਲ ਅਤੇ ਸਾਫ਼-ਸੁਥਰੀ ਊਰਜਾ ਨੂੰ ਉਤਸ਼ਾਹਿਤ ਕਰਨ ਦੀ ਦਿਸ਼ਾ ਵਿੱਚ ਇੱਕ ਮਹੱਤਵਪੂਰਨ ਪ੍ਰਾਪਤੀ ਮੰਨਿਆ ਜਾ ਰਿਹਾ ਹੈ।
ਇਹ 'ਹਾਈਡ੍ਰੋਜਨ ਪਾਵਰਡ' ਟ੍ਰੇਨ ਹਰਿਆਣਾ ਵਿੱਚ ਜੀਂਦ ਅਤੇ ਸੋਨੀਪਤ ਵਿਚਕਾਰ ਚਲਾਈ ਜਾਵੇਗੀ। ਟ੍ਰੇਨ ਨੂੰ ਨੀਲੇ ਰੰਗ ਦੇ ਨਾਲ ਚਿੱਟੀਆਂ ਪੱਟੀਆਂ ਵਾਲੇ ਆਕਰਸ਼ਕ ਡਿਜ਼ਾਈਨ ਵਿੱਚ ਤਿਆਰ ਕੀਤਾ ਗਿਆ ਹੈ। ਇਸ ਦੇ ਟ੍ਰਾਇਲ ਦੀ ਵੀਡੀਓ ਵੀ ਸਾਹਮਣੇ ਆਈ ਹੈ, ਜਿਸ ਵਿੱਚ ਟ੍ਰੇਨ ਤੇਜ਼ ਰਫ਼ਤਾਰ ਨਾਲ ਦੌੜਦੀ ਦਿਖਾਈ ਦੇ ਰਹੀ ਹੈ।
ਰੇਲਵੇ ਮੁਤਾਬਕ, ਕੁਝ ਜ਼ਰੂਰੀ ਤਕਨੀਕੀ ਪ੍ਰਕਿਰਿਆਵਾਂ ਅਤੇ ਰਸਮੀ ਕਾਰਵਾਈਆਂ ਪੂਰੀਆਂ ਹੋਣ ਤੋਂ ਬਾਅਦ ਇਸ ਟ੍ਰੇਨ ਨੂੰ ਆਮ ਯਾਤਰੀਆਂ ਲਈ ਸ਼ੁਰੂ ਕਰ ਦਿੱਤਾ ਜਾਵੇਗਾ। ਹਾਈਡ੍ਰੋਜਨ ਟ੍ਰੇਨ ਦੇ ਚੱਲਣ ਨਾਲ ਭਾਰਤੀ ਰੇਲਵੇ ਨੂੰ ਕਾਰਬਨ ਨਿਕਾਸ (ਐਮੀਸ਼ਨ) ਘਟਾਉਣ ਅਤੇ ਵਾਤਾਵਰਣ-ਅਨੁਕੂਲ ਆਵਾਜਾਈ ਪ੍ਰਣਾਲੀ ਨੂੰ ਉਤਸ਼ਾਹਿਤ ਕਰਨ ਵਿੱਚ ਮਦਦ ਮਿਲੇਗੀ।
